السلام عليكم
شلونكن ياعضوات منتداي الغالي داري عمان
طبعا كلنا ندري ان الصبغه للشعر المنحنى مضره وتسبب تلف للشعر
بس الحمدلله من خلال بحثي في المنتديات حصلت خلطات انشالله تفيد
للشعر البني
حنا +قهوه محموسه +بودرةكاكاو
واعجنيهم بمغلي قشور البصل(جيبي قشور البصل الي لونها ذهبي محمر واغليهمبمويه وصفي المويه)
للشعر الاحمر
حناواعجنيه مبمغليالركركديه(الغجر)
للشعر الباذنجاني (هاذي كثير بنات سئلوني وين صابغهشعرك؟؟؟؟؟ على بالهم اني صابغه مايحسبوه حنا)
حنا+ قشر الرمان المطحون+قشرالباذنجان المطحون+ملعقة حبه سودا مطحونه
واعجنيه بمغليالشاي
واتركيها تتخمر ليله ومن بكرى ضيفي لها فنجال ليمونه معصورهوحطيها على شعرك اقل شي 5 ساعات
طبعا واذا تبين فايده اكثر حطي مع مع خلطةالحنا حلبه ومحلب مطحونين يكثر الشعر ويحليه ويعطيهلمعه
لون الشوكلاته ........
10 ملاعق كبيره حنا .
عصير ليمونه .
3 ملاعق من خل التفاح اوالخل العادي .
5ملاعق من بودره الكاكاو .
مقدار مناسب من الماء الساخن .
امزجي جميع المكونات ماعدا عصير الليمون ..... اتركيها لتخمر لمده ثلاث ساعات ثم اضيفي عصير الليمون وضعيها على شعرك من ساعه الى ثلاث ساعات حسب درجه اللون المطلوبه
=============================
اللون النحاسي ........
10 ملاعق كبيره حنا .
عصير ليمونه .
علبه سفن اب صغيره.
مقدار مناسب من الماء الساخن .
امزجي جميع المكونات ماعدا عصير الليمون ..... اتركيها لتخمر لمده ثلاث ساعات ثم اضيفي عصير الليمون وضعيها على شعرك من ساعه الى ثلاث ساعات
============================= الكستنائي .....
10 ملاعق كبيره حنا .
عصير ليمونه .
كوب من مغلي البابونج.
3 ملاعق من خل التفاح اوالخل العادي .
مقدار مناسب من الماء الساخن .
امزجي جميع المكونات ماعدا عصير الليمون ..... اتركيها لتخمر لمده ثلاث ساعات ثم اضيفي عصير الليمون وضعيها على شعرك من ساعه الى ثلاث ساعات حسب درجه اللون المطلوبه
=============================
اللون التوتي ...........
10 ملاعق كبيره حنا .
عصير ليمونه .
ملعقه لون طعام ( توتي ) في كوب من الماء .
مقدار من الماء الساخن.
كوب من شراب الفيمتو المركز .
كوب من خل التفاح او الخل العادي
امزجي جميع المكونات ماعدا عصير الليمون ..... اتركيها لتخمر لمده ثلاث ساعات ثم اضيفي عصير الليمون وضعيها على شعرك من ساعه الى ثلاث ساعات حسب درجه اللون المطلوبه .
=============================
اللون الاشقر ...............
10 ملاعق كبيره من الحنا .
عصير ليمونتين .
3 ملاعق كركم .
مقدار مناسب من الماء الساخن .
ملعقه كبيره من خل التفاح او الخل العادي .
امزجي جميع المكونات ماعدا عصير الليمون ..... اتركيها لتخمر لمده ثلاث ساعات ثم اضيفي عصير الليمون وضعيها على شعرك من ساعه الى ثلاث ساعات حسب درجه اللون المطلوبه
اتمنى استفدتوا حتى الي مايسخدمن الحنا ممكن يفيدن غيرهن
بس لا تنسوني من دعوووواتكن
موضوع: الي تحني شعره وده تغير لونه تدخل